Plantun de Prouvènço

Pèr coumpara dos planto d'encò nostre

Fragaria viridis & Ludwigia peploides

Majoufié

Fragaria viridis

Rosaceae

Àutri noum : Fraguié, Ambrouso.

Nom en français : Fraisier vert.

Descripcioun :
Aquéu majoufié (o fraguié) douno d'èr au fraguié coumun, que s'arregardas pas de proche pòu engana eisa. Trachis dins li bos fres de colo e de basso mountagno majamen dins li blachiero. Sèmblo adounc à Fragaria vesca, pamens èi mai grand e fort dins touto si partido ; li flour soun pu grando (souvènt > 20 mm). Se destrìo peréu emé si fueio mai pelouso e subretout si fueioun dóu "calice" que soun revessa sus lou fru (escarta encò dóu fraguié coumun).

Usanço :
Lou fru èi de segur manjadis, mai pas tant bon qu'aquéu dóu fraguié, Fragaria vesca (mèfi pamens de l'equinocoucoso). Li flour e li fueio soun tambèn bono à manja. Se fai de tè emé li fueio. Touto la planto fai pissa e èi tounico e depurativo. Li racino soun bono contro la cagagno (astringènto).

Port : Erbo
Taio : 8 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Fragaria
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 14 à 25 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Blachiero
Estànci : Subremediterran à Mountagnard
Couroulougi : Éurasiatico-Centre-Ouèst
Ref. sc. : Fragaria viridis Weston, 1771

Jussìo(-fausso-bourtoulaigo-d'aigo)

Ludwigia peploides

Onagraceae

Nom en français : Jussie rampante.

Descripcioun :
La jussìo es uno planto envahissènto que trachis dins lis aigo morto e li roubino. Nous vèn d'Americo de l'uba e pren la plaço, pau à cha pau, de nòsti planto d'aigo. Se recounèis à si flour jauno, si fueio lusènto e à si lòngui cambo pegouso. Isto uno meno proche, la jussìo-di-gràndi-flour qu'a d'estipulo en pouncho e pas redouno e que li petalo se recuerbon. La subsp. qu'es au nostre, ié dison montevidensis (2n = 16).

Usanço :
A bessai d'ùni prouprieta mau couneigudo, mai s'avès lou courage, la fau derraba tre que n'en vesès.

Port : Erbo
Taio : 0,2 à 2 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ludwigia
Famiho : Onagraceae

Ordre : Myrtales

Coulour de la flour : Jauno
Petalo : 5
Ø (o loungour) flour : 2 à 3,5 cm
Flourido : Printèms - Estiéu - Autouno

Sòu : Ca
Autour basso e auto : 0 à 400 m
Aparado : Noun
Remarco : Planto envahissènto
Jun à nouvèmbre

Liò : Aigo - Roubino - Ribiero - Palun
Estànci : Termoumediterran à Mountagnard
Couroulougi : Óurigino neoutroupicalo
Ref. sc. : Ludwigia peploides (Kunth) P.H.Raven, 1963

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Fragaria viridis & Ludwigia peploides

ges

Coumpara Majoufié emé uno autro planto

Coumpara Jussìo(-fausso-bourtoulaigo-d'aigo) emé uno autro planto